Cyrch y Teithiwr Amser
Bob dydd o ddydd Sadwrn 2 Mai – ddydd Sul 31 Mai, 10am-4pm
Camwch i’r gorffennol a mynd ar antur drwy’r oesoedd! Ymunwch â’n Cyrch i Deithwyr Amser – helfa drysor gyffrous sy’n mynd â chi drwy amser o’r Oes Haearn i’r Oesoedd Canol ac oes Elisabeth, a hyd yn oed i’r Ail Ryfel Byd. Dewch i ddarganfod cyfrinachau o fewn muriau hynafol Castell Caeriw wrth i chi deithio drwy hanes.
Perffaith i deuluoedd ac archwilwyr chwilfrydig o bob oed – ni fu hanes erioed mor gyffrous â hyn!
Cymrwch ran gan ddefnyddio ffôn clyfar. Gweithgaredd hunan-dywys.
£2.50 i blant. Codir tâl mynediad safonol.
Mynediad: gyda grisiau
Iaith: dwyieithog Cymraeg/Saesneg
Sioe Geir Castell Caeriw
Dydd Llun 4 Mai, 10am – 3pm
Uchafbwynt yn ein calendr bob blwyddyn! Dewch i edmygu’r hen geir clasurol, beiciau modur a cherbydau milwrol o bob cwr o dde Cymru. Mae llawer o weithgareddau hwyliog eraill i deuluoedd sy’n gwneud hwn yn ddiwrnod gwych!
Efallai na fydd y sioe’n mynd yn ei blaen mewn tywydd gwlyb.
Codir ffioedd mynediad arferol y Castell, ac mae’r sioe wedi’i chynnwys gyda phris tocyn arferol.
Mynediad: heb risiau, arwynebau anwastad.
Melin Heli: Am ddim ar ôl tri!
Dydd Sadwrn 9 a dydd Sul 10 Mai, 3pm – 4.30pm
I ddathlu Penwythnos Cenedlaethol Melinau mae Melin Heli Caeriw yn cynnig mynediad am ddim ar ôl 3pm ddydd Sadwrn 9 a dydd Sul 10 Mai 2026! Os ydych chi wedi cerdded o amgylch Llyn y Felin ond nad ydych chi erioed wedi bod yn yr adeilad eiconig, beth am alw heibio am ddim i ddysgu mwy am yr unig Felin Heli gyfan yng Nghymru?
Ymwelwyr olaf am 4.30pm, yn cau 5pm.
Nid yw’n cynnwys mynediad am ddim i’r Castell.
Mynediad: gyda grisiau
Iaith: dwyieithog Cymraeg/Saesneg
Bowlore: Chwedlau Bwa a Llafn
Dydd Sul 24 – Dydd Mawrth 26 Mai, 10am – 4pm
Mae saethwyr a marchogion gwych Bowlore yn ôl gyda’u gwersyll canoloesol ar gyfer ymladd cleddyfau dychrynllyd, saethyddiaeth anhygoel ac arddangosfeydd arfau. Cymerwch ran yn yr Ysgol Gleddyfau, Rhoi Cynnig ar Saethyddiaeth a thrin cleddyf canoloesol go iawn ac arfau eraill.
Pris mynediad arferol a bydd angen ARIAN PAROD i dalu ffi fechan am gymryd rhan mewn rhai gweithgareddau.
Mynediad: heb risiau, arwynebau anwastad
Iaith: Saesneg
Lansio’r Trebuchet Enfawr
Dydd Mercher 27 Mai, 2.30pm
Ymunwch â ni wrth i ni gyfri i lawr a lansio ein Trebuchet Enfawr, catapwlt canoloesol enfawr a oedd yn cael ei ddefnyddio i ymosod ar Gestyll. Gwyliwch wrth i’r arf gwarchae dyfeisgar a phwerus hwn gael ei ddefnyddio, a gweld grym peirianneg ganoloesol ar waith. Dysgwch sut roedd cerrig enfawr yn cael eu taflu gyda digon o rym i dorri’r amddiffynfeydd cryfaf. Ymhlith y pethau eraill a gafodd eu taflu roedd cyrff wedi’u heintio â’r pla, cyrff anifeiliaid wedi pydru, a thar yn llosgi!
Dewch â’r teulu cyfan i gael profiad addysgol, llawn hwyl.
Wedi’i gynnwys AM DDIM yn y pris mynediad arferol.
Mynediad: arwynebau anwastad
Iaith: Saesneg
Taith Gerdded Ystlumod Nos
Dydd Mercher 27 Mai a Dydd Iau 23 Gorffennaf, 8.45pm
Wrth i’r cyfnos ddisgyn, ymunwch â ni am daith gerdded gyda’r nos unigryw o amgylch tiroedd Castell Caeriw, darganfyddwch y bywyd cudd sy’n dod i’r amlwg ar ôl iddi nosi a dysgwch pam mae’r safle hanesyddol hwn yn hafan mor bwysig i ystlumod. Gyda chymorth canfodydd ystlumod, byddwch yn gallu gwrando ar y creaduriaid nosol anodd eu gweld hyn wrth iddynt hedfan drwy’r cyfnos, gan fwydo ar bryfed a llywio awyr y nos. Dyma gyfle prin i ddod yn agos at rai o’n bywyd gwyllt mwyaf diddorol a chamddealles, dan arweiniad arbenigwr a fydd yn dod â’u byd cyfrinachol yn fyw.
£10 y pen
Mae lleoedd yn gyfyngedig ac mae archebu’n hanfodol: Archebwch yma
Nid yw tocynnau’n ad-daladwy.
Mae’n ddrwg gennym, dim cŵn ar y digwyddiad hwn. Rhaid i blant fod yng nghwmni oedolyn. Cwrdd yn siop Castell Caeriw yn yr Ardd Furiog. Gwisgwch ddillad cynnes, esgidiau cadarn a dewch â thortsh.
Mynediad: arwynebau anwastad
Iaith: Saesneg
Sesiwn Ymarferol: Arfau ac Arfwisgoedd
Dydd Mercher 27, Dydd Iau 28 a Dydd Gwener 29 Mai, 10.30am – 11.30am
Ymunwch â’n sesiwn galw heibio Arfau ac Arfwisgoedd. Gwisgwch arfwisg sgleiniog, codwch darian frwydr fawr a chleddyf hir. Efallai y dysgwch ambell symudiad ymladd â chleddyfau hyd yn oed! Perffaith i blant a theuluoedd, mae’n antur ymarferol lle gallwch archwilio, chwarae a tharo ystum arwrol i gael tynnu eich llun!
Sesiwn galw heibio wedi’i gynnwys AM DDIM gyda thocyn mynediad arferol.
Rhaid i blant fod dan oruchwyliaeth bob amser. Nodwch: bydd arfau go iawn yn cael eu defnyddio.
Mynediad: gall y lleoliad amrywio – holwch y lleoliad ymlaen llaw cyn dod
Iaith: Dan arweiniad Saesneg gyda pheth Cymraeg
Dewch o hyd i’r Allwedd!
Y Sulgwyn: 28 a 29 Mai
Ust… mae llawer o allweddi’n cuddio yn y Castell, ond dim ond un fydd yn agor y gist drysor! Allwch chi fod yr anturiaethwr clyfar sy’n dod o hyd i’r allwedd lwcus ac yn datgelu’r wobr hudolus tu mewn?
Dewch i gwrdd â’ch tywysydd wrth borthdy’r Castell am 3pm, yna ewch i hela ac archwilio ar hyd a lled y Castell ar yr antur gyffrous hon. Mae eich trysor yn aros…
Wedi’i gynnwys AM DDIM yn y pris mynediad arferol.
Mynediad: heb risiau
Iaith: Saesneg
Hwrê i Berlysiau!
Dydd Iau 28 Mai a dydd Gwener 29 Mai, 2.30pm – 3.30pm
Cyfle i blant a theuluoedd ddarganfod byd rhyfeddol perlysiau! Mwynhewch daith fer o amgylch ein gwelyau perlysiau, gan flasu ac arogli wrth i chi fynd. Casglwch yr holl gynhwysion llysieuol sydd eu hangen arnoch i wneud past dannedd, te balm lemwn a ‘nose gay’, posi melys o berlysiau a blodau ffres.
Mae’r gweithgaredd hwn yn para tua awr.
Mae’r gweithgaredd AM DDIM gyda thocyn mynediad arferol i’r Castell.
Mynediad: heb risiau
Iaith: Saesneg
Gwneud Crefftau Hudolus gyda Whimsical Wildlings
Dydd Gwener 29 a Dydd Sadwrn 30 Mai, 10.30am – 2pm
Ymunwch â Whimsical Wildlings am grefftau hudolus i blant y tu mewn i is-grofft atmosfferig y castell! Gall anturiaethwyr bach addurno eu heitemau eu hunain i’w trysori gartref; wedi’u hysbrydoli gan hanesion marchogion, tywysogesau a chyrchoedd mewn cestyll. Mae’r sesiynau galw heibio hyn yn cynnig ffordd greadigol o ddifyrru teuluoedd sy’n crwydro’r Castell o ddim ond £2 yr eitem. Perffaith ar gyfer plant o bob oed – dewch i roi creadigrwydd ar waith!
Coronau £2, Cleddyfau £3, Baneri £3, Drychau £3, Tariannau £5. Derbynnir taliadau cerdyn, mae’n well cael arian parod.
Does dim angen archebu lle – galwch heibio i ddechrau gwneud crefftau!
Mae pris mynediad arferol i’r Castell yn berthnasol hefyd.
Mynediad: heb risiau
Iaith: Saesneg
