Grŵp Tanau Gwylltion Sir Benfro

Gallwn helpu, drwy addysg, i gyfyngu ar gychwyn tanau gwyllt, a thrwy reolaeth ymarferol o’r tir gallwn felly leihau ar y difrod posibl.

Mae Grŵp Tanau Gwyllt Sir Benfro yn grŵp a sefydlwyd yn 2013 i fod yn llais dros atal tanau gwyllt yn Sir Benfro.

Nid siop siarad fydd e; bydd y grŵp yn gweithio hefyd gyda pherchnogion tir a chymunedau gyda’r bwriad o gymryd camau cadarnhaol er mwyn gwarchod cefn gwlad Sir Benfro.

Gweinyddir y grŵp gan PLANED (fel rhan o Rwydwaith Amaethyddiaeth Cynaliadwy Sir Benfro).

• Cyfrannu at reolaeth cynaliadwy cefn gwlad Sir Benfro.
• Hyrwyddo atal tân ymhlith perchnogion tir, cymunedau lleol ac ymwelwyr.
• Lleihau maint ac effaith tanau gwyllt pan fo’n nhw’n digwydd.
• Gwella’r cysylltiadau rhwng cymunedau lleol â’r Gwasanaeth Tân ac Achub
• Adeiladu rhwydwaith gref sy’n annog cydweithio, ac sy’n caniatáu i gymunedau
  gwledig ymgymryd â rôl gweithredol wrth warchod eu hamgylchedd a’u heconomi rhag effaith tanau gwyllt.
• Bod yn lladmerydd ar faterion yn ymwneud â thanau gwyllt yn Sir Benfro.

Er mwyn i gyrraedd yr amcanion, bydd y grŵp yn:

• Addysgu a darparu cyngor ar faterion yn ymwneud â thanau gwyllt.
• Darparu Cynlluniau Rhag Tân a mapiau o ardaloedd gwledig a ddynodwyd yn arbennig.
• Trefnu hyfforddiant gyda phwyslais arbennig ar arferion gweithio’n ddiogel.
• Datblygu arferion gweithio ar y cyd ar gyfer holl aelodau’r grŵp.
• Creu grŵp sy’n ganolbwynt ar gyfer gweithredu fel lladmerydd ar faterion yn ymwneud â thanau gwyllt yn Sir Benfro.
• Datblygu gweithdrefnau ar y cyd er mwyn datblygu adwaith mwy effeithiol i danau gwyllt.
• Gweithredu rhaglen codi ymwybyddiaeth sy’n canolbwyntio’n arbennig ar bobl ifanc.
• Gweithio tuag at sicrhau cyllid lleol, cenedlaethol ac Ewropeaidd er mwyn cefnogi mentrau perthnasol.