Mae Awdurdod y Parc Cenedlaethol yn rheoli oddeutu 40 o feysydd parcio ac ardaloedd parcio; rydyn ni’n codi tâl mewn 14 o'r rheini ac yn defnyddio'r incwm i gynnal a chadw meysydd parcio a llwybrau’r Parc. Mae'r cyfnod talu yn weithredol rhwng 15 Mawrth a 7 Tachwedd (cynwysedig). Yn ystod y cyfnod hwn bydd rhaid i bob cerbyd naill ai arddangos tocyn Talu ac Arddangos dilys neu Docyn Tymor wedi’i brynu ymlaen llaw. Codir tâl rhwng 9am a 7pm ar bob safle.
Prisiau Talu ac Arddangos (arian parod yn unig) (mae’n rhaid i ddeiliaid bathodynnau glas dalu, ond byddant yn cael awr ychwanegol o barcio):
- Hyd at 30 munud: £0 (dim dychwelyd cyn pen 4 awr)
- Hyd at awr: £1
- Hyd at ddwy awr: £2
- Hyd at dair awr: £3
- Dros dair awr: £5
Tocynnau Tymor a Thocynnau Saith Diwrnod
Mae tocynnau ar gyfer cyfnodau hwy ar gael o bencadlys Awdurdod y Parc Cenedlaethol yn Noc Penfro. I gael rhagor o wybodaeth, ffoniwch 01646 624800 neu anfonwch neges e-bost at gwybodaeth@pembrokeshirecoast.org.uk.
Tocynnau Tymor wedi’u prynu ymlaen llaw
- Tocyn Tymor Llawn (i’w ddefnyddio yn unrhyw un o’r meysydd parcio uchod): £70
- Tocyn Tymor Llawn (i’w ddefnyddio yn un o’r meysydd parcio uchod yn unig): £25
- Tocyn Saith Diwrnod (i’w ddefnyddio yn unrhyw un o’r meysydd parcio uchod): £30
Nodwch
Bydd unrhyw gerbydau sydd ddim yn arddangos tocyn Talu ac Arddangos dilys, neu docyn wedi’i brynu ymlaen llaw, yn gymwys i gael hysbysiad cosb benodedig gan fod ein meysydd parcio yn cael eu monitro’n rheolaidd gan Swyddogion Gorfodaeth Parcio. Cyfeiriwch at yr arwyddion ar y safleoedd i weld y telerau ac amodau llawn.
Ni chaniateir cysgu dros nos mewn cerbyd ym meysydd parcio’r Awdurdod. Os byddwch yn gwneud hyn, efallai bydd yn rhaid i chi dalu hysbysiad cosb benodol. Os oes angen llety dros nos arnoch, defnyddiwch gyfleusterau llety lleol ac ystyried yr effaith ar yr amgylchedd ac ar y gymuned leol.
Codir tâl (arian parod yn unig) yn y meysydd parcio a leolir yn:
- Llanrath (taliadau'n berthnasol yn fuan)
- Saundersfoot Regency
- Penalun (taliadau'n berthnasol yn fuan)
- Maenorbŷr
- Freshwater East
- Bae Gorllewin Angle (taliadau'n berthnasol yn fuan)
- Little Haven
- Aberllydan
- Nolton Haven (taliadau'n berthnasol yn fuan)
- Niwgwl (Pebbles)
- Solfach
- Oriel y Parc, Tyddewi
- Traeth Mawr, Trefdraeth
- Traeth Poppit
Bysiau Arfordirol
Oherwydd y sefyllfa bresennol mae angen gwneud nifer o newidiadau i wasanaethau bysiau cyhoeddus yn Sir Benfro.
