Eich Parc chi yw Parc Cenedlaethol Arfordir Penfro. Felly, yma yn Awdurdod y Parc Cenedlaethol, gofynnwn yn aml am eich sylwadau ar y gwaith yr ydym yn ei wneud i helpu sicrhau bod eich Parc chi yn parhau i fod yn lle arbennig y gall pawb ei fwynhau.
Mae eich barn yn helpu llunio siâp ein polisïau a’n canllawiau ar gyfer y dyfodol, ar bopeth o dai i fynediad at Lwybr Cenedlaethol Arfordir Sir Benfro.
Os hoffech gael y cyfle i ddylanwadu ar y gwaith rydym yn ei wneud, edrychwch ar yr hyn y mae Awdurdod Parc Cenedlaethol Arfordir Penfro yn ymgynghori arno ar hyn o bryd trwy glicio ar y dolenni ar y dde ac isod.
Ymgynghoriadau Awdurdod y Parc
Ymgynghoriad Cyhoeddus yn dechrau ar Adroddiad Cynllun Datblygu Lleol 2 Awdurdod Parc Cenedlaethol ac Adroddiad Monitro Blynyddol 2023-2024
Beth yw’r Cynllun Datblygu Lleol?
Cafodd Cynllun Datblygu Lleol 2 ei fabwysiadu gan Awdurdod Parc Cenedlaethol Arfordir Penfro ym mis Medi 2020. Mae’r Cynllun Datblygu Lleol yn gosod allan gynigion yr awdurdod ar gyfer datblygiadau yn y dyfodol a’r defnydd a wneir o’r tir yn y Parc Cenedlaethol. Mae gofyn i’r holl benderfyniadau cynllunio gael eu gwneud yn unol â’r Cynllun Datblygu Lleol a fabwysiadwyd, fel ei fod yn darparu peth sicrwydd ynghylch pa ddatblygiadau a fydd neu na fydd yn cael eu caniatáu.
I weld y dudalen ymgynghori cliciwch yma
Tudalen Ymgynghori Cyfarwyddyd Erthygl 4(1)
Ymgynghoriad y Parc Cenedlaethol yn dechrau ar y cynnig i gyflwyno Cyfarwyddyd Erthygl 4 i ddileu hawliau datblygu a ganiateir ar ddefnydd o dir am hyd at 28 diwrnod ar gyfer gwersylla, charafannau a chartrefi symudol.
Beth yw Cyfarwyddyd Erthygl 4(1)?
Mae Cyfarwyddyd Erthygl 4 yn tynnu’n ôl y caniatâd cynllunio y mae’r Gorchymyn Datblygu Cyffredinol a Ganiateir yn ei roi ar gyfer dosbarth o ddatblygiad. Caniateir i gyfarwyddyd o’r fath gael ei wneud gan Awdurdod Cynllunio Lleol neu gan Weinidogion Cymru o dan erthygl 4 o’r gorchymyn hwnnw. Mae gan Awdurdod y Parc Cenedlaethol rai Cyfarwyddiadau Erthygl 4 eisoes ar waith mewn perthynas ag Ardaloedd Cadwraeth er mwyn gwarchod yr amgylchedd hanesyddol.
I weld y dudalen ymgynghori cliciwch yma
