Nodwch, mae'r arddangosfa hon bellach wedi cau. Mae’n hollol wir, mae awyr iach yn dda i chi! A does dim rhaid crwydro ymhell chwaith – mae pethau newydd i’w darganfod dan eich trwyn hyd yn oed.
Wedi’i churadu gan Amgueddfa Cymru a’i chynnal gan Awdurdod Parc Cenedlaethol Arfordir Penfro yn Oriel a Chanolfan Ymwelwyr Oriel y Parc yn Nhyddewi, nod Ar Eich Stepen Drws yw ysbrydoli pawb i archwilio’r natur, daeareg ac archeoleg sy’n bodoli o’n cwmpas, a mwynhau’r manteision iechyd a lles y gall hyn eu cynnig.
Cafodd y canfyddiadau yn yr arddangosfa hon eu gwneud gan bobol fel chi, yn eu milltir sgwâr. Rhai yn y goedwig neu ar y traeth, eraill mewn gardd gefn neu gae erm. Roedd un ar safle adeiladu hyd yn oed!
Sylwch fod yr arddangosfa hon bellach wedi cau.
Cymerwch Rhan!
Gobeithiwn y bydd Ar Eich Stepen Drws yn eich ysbrydoli i fynd allan a dechrau archwilio. Sgroliwch i waelod y dudalen i weld canllawiau ac adnoddau i’ch helpu i nodi eich canfyddiadau.
Rhannwch eich darganfyddiadau stepen drws gyda ni. Cyffredin neu brin, mawr a bach rydym am eu gweld nhw i gyd! Anfonwch eich lluniau, lluniau a golygfeydd i:
@CardiffCurator @SF_Archaeology @PembsCoast @OrielyParc #stependrws neu ebostiwch mailto:stependrws@arfordirpenfro.org.uk.
Ydych chi wedi dod o hyd i rywbeth sy’n peri penbleth? A allai fod yn rhywbeth prin, neu’n rhywbeth hen? Mynnwch help gan wyddonwyr yn Amgueddfa Cymru.
Beth sydd yn arddangosfa Ar Eich Stepen Drws?
Rhywogaethau fel:
- yr Ysbrydwlithen
- pysgod morol egsotig fel y Jac Almaco
- y wlithen ddu nosol, sy’n hongian o ganghennau mewn coetiroedd hynafol fel Gwarchodfa Natur Genedlaethol Tŷ Canol
- pysgod cregyn egsotig sy’n drifftio i’n traethau ar blastigau morol
- ffosilau o drilobitau a oedd yn byw yma rhwng 500-250 miliwn o flynyddoedd yn ôl.
Archaeoleg, gan gynnwys:
- meingledd o’r Oes Efydd a ddarganfuwyd ar draeth Amroth gan y datgelydd metel Colin Scale
- halberd yn dyddio o’r Oes Efydd Gynnar a ddarganfuwyd yn Hundleton
- Modrwy gudyn aur yn dyddio o ddiwedd yr Oes Efydd a ddarganfuwyd yn Nhrefdraeth
- casgliad o lestri Rhufeinig a ddefnyddiwyd ar gyfer paratoi ac yfed gwin a ddarganfuwyd ym Maenorbŷr
- croes Gristnogol o’r Wythfed Ganrif o Gapel Sant Padrig, Porth Mawr
- celc o ddarnau arian aur ac arian o gyfnod y Rhyfel Cartref a ddarganfuwyd ym Mhlasty Tregwynt.
Pobl, fel
- Ronald Lockley a sefydlodd Arsyllfa Adar gyntaf y DU ar Ynys Sgogwm
- Harry Morrey Salmon a arloesodd y defnydd o ffotograffiaeth fflach i gofnodi adar nosol ar Ynys Sgomer.
Fideos archwilio natur i’ch ysbrydoli
Cyfweliad efo Pat Wolseley, Cenolegydd (Isdeitlau Cymraeg)
Gwlithen a malwod
Cân yr adar
Trap Magl
Rhedyn
Adnabod a chofnodi natur
Bydd yr apiau ffôn clyfar hyn yn eich helpu i nodi a chofnodi’r natur rydych chi’n ei gweld yn eich gardd, neu tra allan:
- Mae iNaturalist yn eich helpu i adnabod y rhywogaeth yr ydych yn edrych arno. Lawrlwythwch iNaturalist o’r Google Play Store neu lawrlwythwch iNaturalist ar yr Apple App Store
- Mae iRecord yn rhannu eich cofnodion gyda’r gymuned wyddonol . Lawrlwythwch iRecord o’r Google Play Store neu lawrlwythwch iRecord ar yr Apple App Store.
Ond does dim byd yn curo ymuno â grŵp profiadol yn yr awyr agored. Maent bob amser yn awyddus i’ch helpu i ddod o hyd i fwy a sylwi arno, ac maent wedi bod yn gwneud gwyddoniaeth dinasyddion ers bron i 200 mlynedd! Mae cymdeithasau recordio arbenigol yn dal yn weithgar iawn ac yn cynnal cyfarfodydd maes yn yr awyr agored ledled y DU. Mae croeso mawr i ddechreuwyr fel arfer. Gallwch ddod o hyd i restr o rai o’r grwpiau hyn ar ein tudalen adnoddau gwyddorau naturiol.
Blog Amgueddfa Cymru
Darganfyddwch sut a wnaeth Amgueddfa Cymru baratoi a chludo gwrthrychau’r amgueddfa a ddefnyddiwyd yn yr arddangosfa a beth oedd yn ei olygu o safbwynt curadur.
