PELLTER/HYD:
LLWYBR Y COETIR (gwyrdd) 0.9 milltir (1.4km) 30 munud
LLWYBR Y GOLEUDY (glas) 1.4 milltir (2.3km) 45 munud
LLWYBR CLOGWYNI’R GORLLEWIN (coch) 1.9 milltir (3.1km) 1 awr
CLUDIANT CYHOEDDUS: Ffoniwch Ganolfan Groeso Dinbych-y-pysgod 01437 775603 am fanylion ynghylch bysys, trenau, meysydd parcio, parcio a theithio
CYMERIAD: Taith ynys, graddfa hawdd
CHWILIWCH AM: Golygfeydd naturiol trawiadol • goleudy • man gwneud persawr • eglwys Sant Illtud • adeiladau’r Mynachdy (caeadle preifat – dim mynediad) • blodau’r gwanwyn • morloi
MWY O WYBODAETH: Caniateir cŵn ar yr ynys ond rhaid eu cadw ar dennyn ar bob adeg. Ffoniwch harbwr Dinbych-y-pysgod (01834 842296) i gael amserau/diwrnodau croesi’r llongau ayb.
Ar brynhawn cynnes o haf, pan mae’r aer yn fwrlwm o wenyn yn brysur wrth eu gwaith wrth y blodau comffri, does unman yn debyg i Ynys Bŷr. Mae yma awyrgylch hamddenol, ymlaciedig.
Dim ond taith 20 munud o Ddinbych-y-pysgod, mae’r ynys yn lle gwych i gerdded yn hamddenol ac mae yma ddigon i’w weld.
Mae gan yr ynys hanes hir; mae pobl wedi bod yn byw yn ei ogofau ers Oes y Cerrig, ond cyrhaeddiad meudwy o’r enw Sant Pyro yn y 6ed ganrif a ddechreuodd gysylltiad hir Ynys Bŷr gyda’r eglwys.
Daw’r enw Cymraeg am yr ynys o’r geiriau Ynys Pyr, neu Ynys Pyro. Rhoddwyd yr enw Saesneg ‘Caldey’ ar yr ynys gan y Llychlynwyr ac mae’n golygu Ynys Oer. Ar ôl y goncwest Normanaidd, sefydlodd mynachod Benedictaidd briordy ar Ynys Bŷr.
![Monastry on Caldey Island, Pembrokeshire Coast National Park, Wales UK](https://www.arfordirpenfro.cymru/wp-content/uploads/2019/07/caldey-abbey-975151598.jpg)
Ar ôl yr ailffurfio, newidiodd yr ynys ddwylo dro ar ôl tro, ond ym 1906 daeth yn gartref i’r urdd Fenedictaidd unwaith eto.
Nhw a adeiladodd y fynachlog sydd mewn arddull Mediteranaidd, ond ym 1928 gwerthwyd yr ynys unwaith eto i urdd Sistersaidd.
Mae’n dal i fod yn gymuned fynachaidd weithiol. Mae llawer o’r llwybr yn pasio trwy goetir, gyda digon o adar i’w gweld.
Yr Hen Briordy, sy’n sefyll yn agos at y llwybr yng nghanol y coed, yw un o’r eglwysi hynaf yng Nghymru.
Am ynys mor fach, mae gan Ynys Bŷr amrywiaeth eang o gynefinoedd. Mae ei daeareg yn gymysglyd iawn gyda rhan o’r ynys yn Hen Dywodfaen a rhan ohoni yn garreg galch Carbonifferaidd.
O ganlyniad, mae yna bridd asid ac alcalinaidd, sy’n cynhyrchu sioe odidog o flodau. Efallai bod rhai’n dal i ffynnu heddiw diolch i ofal y mynachod canoloesol.
Er enghraifft, weithiau gelwir comffri yn cwlwm yr asgwrn oherwydd fe fyddai llysieuwyr yn ei ddefnyddio i drin esgyrn wedi eu torri.
Dewch o hyd i'r teithiau hyn
Cyfeirnod Grid: SS140965
CYMERWCH OFAL!
- Byddwch yn ofalus ar Lwybr yr Arfordir
- Cadwch at y llwybr ac i ffwrdd o ymylon y clogwyni
- Gwisgwch esgidiau cryfion a dillad cynnes, sy’n dal d ŵr
- Cymrwch ofal arbennig mewn tywydd gwyntog a/neu wlyb
- Cadwch lygad barcut ar blant a chwn bob amser
- Cofiwch gau gatiau