Mae rhaglen orlawn o ddigwyddiadau a gweithgareddau hwyliog ar gyfer pob oed yng Nghastell Caeriw drwy gydol y flwyddyn. O Saethyddiaeth, sgyrsiau Hanesion Atgas rhyngweithiol a theithiau ysbrydion i Theatr Awyr Agored, Ysgol Marchogion a'n digwyddiadau Calan Gaeaf a Nadolig!
Chwefror 2026
Helfa Drysor Creaduriaid Hudolus
Dydd Sadwrn 14 Chwefror – Dydd Sul 22 Chwefror, 10.30am – 3.30pm
Mae Castell Caeriw yn llawn hud a lledrith Cymreig! Yn cuddio rhwng y muriau mae môr-forynion disglair, tylwyth teg direidus, y Ceffyl Dŵr chwareus a chreaduriaid chwedlonol eraill. Dilynwch y llwybr, datgelu eu cuddfannau cudd, a chasglu eich trysor hud ar ddiwedd eich antur!
Cymrwch ran gan ddefnyddio ffôn clyfar, gweithgaredd hunan-dywys.
£2.50 y plentyn, yn ogystal â’r pris mynediad arferol.
Iaith: dwyieithog Cymraeg/Saesneg
Mynediad: gyda grisiau
Gweithdy Creadigol Taith y Chwedlau
Dydd Llun 16 Chwefror
Adrodd Straeon: 11am i 11:30am a 12pm i 12:30pm
Crefftau: 10:30am i 2:30pm
Ymunwch â’r adroddwr straeon Michael Harvey a’r artist lleol Kate Evans am weithdy creadigol ysbrydoledig ac ymarferol sydd wedi’i wreiddio mewn chwedloniaeth Gymreig a gweithredu amgylcheddol. Bydd plant yn clywed stori Taith y Chwedlau wedi’i hysbrydoli gan Twrch Trywth, y baedd hudolus o’r Mabinogion, wedi’i gwehyddu ynghyd â neges Dewi Sant: Gwnewch y pethau bychain. Drwy’r stori hon, mae’r Twrch Trwyth yn dod yn symbol o newid hinsawdd a lefelau’r môr yn codi, gan annog cynulleidfaoedd ifanc i feddwl am sut rydym yn ymateb i heriau amgylcheddol. Ar ôl yr adrodd straeon, bydd y plant yn gweithio gyda Kate i greu eu gwaith celf sy’n gysylltiedig â’r stori.
Dangoswch eich campwaith yng Ngorymdaith Dydd Gŵyl Dewi yn Oriel y Parc ddydd Sadwrn 28 Chwefror, pan fydd stori Taith y Chwedlau yn dod yn fyw!
Addas ar gyfer teuluoedd. Am ddim, sesiynau galw heibio.
Iaith: dwyieithog Cymraeg/Saesneg
Mynediad: Efallai na fydd mynediad i gadeiriau olwyn ar gael, holwch y lleoliad.
Gwneud Crefftau Hudolus gyda Whimsical Wildlings
Dydd Mawrth 17 a dydd Mercher 18 Chwefror, 10.30am – 2pm
Ymunwch â Whimsical Wildlings am grefftau hudolus i blant y tu mewn i is-grofft atmosfferig y castell! Gall anturiaethwyr bach addurno eu heitemau eu hunain i’w trysori gartref; wedi’u hysbrydoli gan hanesion marchogion, tywysogesau a chyrchoedd mewn cestyll. Mae’r sesiynau galw heibio hyn yn cynnig ffordd greadigol o ddifyrru teuluoedd sy’n crwydro’r Castell o ddim ond £2 yr eitem. Perffaith ar gyfer plant o bob oed – dewch i roi creadigrwydd ar waith!
Coronau £2, Cleddyfau £3, Baneri £3, Drychau £3, Tariannau £5.
Does dim angen archebu lle – galwch heibio i ddechrau gwneud crefftau!
Derbynnir taliadau cerdyn, mae’n well cael arian parod.
Codir tâl mynediad arferol.
Iaith: Saesneg
Mynediad: heb risiau
Gweithdy Fflasg Yfed Ledr Ganoloesol
Dydd Sul 1 Mawrth, 9am – 5pm
Ymunwch â ni ar gyfer gweithdy ymarferol arbennig i gefnogi Cymorth i Ferched Cymru.
Dan arweiniad y crefftwr arbenigol Shelley Musker Turner sy’n dod â dros ddegawd o brofiad o greu propiau lledr a chyfrwyau ar gyfer y diwydiant ffilm – byddwch yn dysgu technegau gweithio lledr traddodiadol gan gynnwys torri, pefelu, pwytho â llaw, mowldio gwlyb, a llathru.
Erbyn diwedd y dydd, byddwch yn mynd â’ch fflasg yfed lledr ganoloesol gwbl weithredol eich hun, wedi ei llunio a llaw, adref gyda chi, ynghyd â’r sgiliau hanfodol i ddechrau ar eich taith gwaith lledr eich hun.
I’w gynnal yn y Neuadd Fach yng Nghastell Caeriw.
Oedran: 16+
£145 y pen – Lluniaeth: Te, coffi a chacen wedi’u cynnwys
(gan gynnwys egwyl cinio 45 munud; ni ddarperir cinio)
Cadwch eich lle yma: https://www.battlehorse.co.uk/workshops
Mynediad: gyda grisiau
Iaith: Cyflwynir y cwrs yn bennaf yn Saesneg gyda pheth Cymraeg sgyrsiol
I gwybod mwy am ddigwyddiadau yng Nghastell Caeriw, cliciwch ar y dolenni isod
