Mae rhaglen orlawn o ddigwyddiadau a gweithgareddau hwyliog ar gyfer pob oed yng Nghastell Caeriw drwy gydol y flwyddyn. O Saethyddiaeth, sgyrsiau Hanesion Atgas rhyngweithiol a theithiau ysbrydion i Theatr Awyr Agored, Ysgol Marchogion a'n digwyddiadau Calan Gaeaf a Nadolig!
Gwanwyn 2026
Gweithdy Fflasg Yfed Ledr Ganoloesol
Dydd Sul 1 Mawrth, 9am – 5pm
Ymunwch â ni ar gyfer gweithdy ymarferol arbennig i gefnogi Cymorth i Ferched Cymru.
Dan arweiniad y crefftwr arbenigol Shelley Musker Turner sy’n dod â dros ddegawd o brofiad o greu propiau lledr a chyfrwyau ar gyfer y diwydiant ffilm – byddwch yn dysgu technegau gweithio lledr traddodiadol gan gynnwys torri, pefelu, pwytho â llaw, mowldio gwlyb, a llathru.
Erbyn diwedd y dydd, byddwch yn mynd â’ch fflasg yfed lledr ganoloesol gwbl weithredol eich hun, wedi ei llunio a llaw, adref gyda chi, ynghyd â’r sgiliau hanfodol i ddechrau ar eich taith gwaith lledr eich hun.
I’w gynnal yn y Neuadd Fach yng Nghastell Caeriw.
Oedran: 16+
£145 y pen – Lluniaeth: Te, coffi a chacen wedi’u cynnwys
(gan gynnwys egwyl cinio 45 munud; ni ddarperir cinio)
Cadwch eich lle yma: https://www.battlehorse.co.uk/workshops
Mynediad: gyda grisiau
Iaith: Cyflwynir y cwrs yn bennaf yn Saesneg gyda pheth Cymraeg sgyrsiol
Yr Helfa Fawr Wyau Aur
Dydd Sadwrn 28 Mawrth – dydd Sul 19 Ebrill, 10am – 4pm
Mae Castell Caeriw yn llawn rhyfeddodau… ac wyau aur! Chwiliwch drwy’r Castell, gan edrych i mewn i gilfachau cudd, i ddod o hyd i bob wy disglair. Dewch o hyd i bob un ohonyn nhw, casglwch eich gwobr, a dod yn bencampwr hela wyau!
Cymrwch ran gan ddefnyddio ffôn clyfar. Gweithgaredd hunan-dywys.
£2.50 y plentyn, yn ogystal â’r pris mynediad arferol.
Mynediad: gyda grisiau
Iaith: dwyieithog Cymraeg/Saesneg
Sesiwn Ymarferol: Arfau ac Arfwisgoedd
Y Pasg: Dydd Llun 30 Mawrth – dydd Sul 12 Ebrill bob dydd, 10.30am – 11.30am
Y Sulgwyn: 28 a 29 Mai, 10.30am – 11.30am
Ymunwch â’n sesiwn galw heibio Arfau ac Arfwisgoedd. Gwisgwch arfwisg sgleiniog, codwch darian frwydr fawr a chleddyf hir. Efallai y dysgwch ambell symudiad ymladd â chleddyfau hyd yn oed! Perffaith i blant a theuluoedd, mae’n antur ymarferol lle gallwch archwilio, chwarae a tharo ystum arwrol i gael tynnu eich llun!
Sesiwn galw heibio wedi’i gynnwys AM DDIM gyda thocyn mynediad arferol. Rhaid i blant fod dan oruchwyliaeth bob amser. Nodwch: bydd arfau go iawn yn cael eu defnyddio.
Mynediad: gall y lleoliad amrywio – holwch y lleoliad ymlaen llaw cyn dod
Iaith: Dan arweiniad Saesneg gyda pheth Cymraeg
Dewch o hyd i’r Allwedd!
Y Pasg: Bob dydd o 30 Mawrth – 12 Ebrill (ac eithrio dyddiau Mawrth)
Y Sulgwyn: 28 a 29 Mai
Yr Haf: Bob dydd o 19 Gorffennaf – 28 Awst (ac eithrio dyddiau Mawrth)
Ust… mae llawer o allweddi’n cuddio yn y Castell, ond dim ond un fydd yn agor y gist drysor! Allwch chi fod yr anturiaethwr clyfar sy’n dod o hyd i’r allwedd lwcus ac yn datgelu’r wobr hudolus tu mewn?
Dewch i gwrdd â’ch tywysydd wrth borthdy’r Castell am 3pm, yna ewch i hela ac archwilio ar hyd a lled y Castell ar yr antur gyffrous hon. Mae eich trysor yn aros…
Wedi’i gynnwys AM DDIM yn y pris mynediad arferol.
Mynediad: heb risiau
Iaith: Saesneg
Lansio’r Trebuchet Enfawr
Dydd Mawrth 31 Mawrth, dydd Mawrth 7 Ebrill, dydd Mercher 27 Mai, dydd Mawrth 21 Gorffennaf, dydd Mawrth 28 Gorffennaf, dydd Mawrth 4 Awst, dydd Mawrth 11 Awst, dydd Mawrth 18 Awst, dydd Mawrth 25 Awst am 2.30pm
Ymunwch â ni wrth i ni gyfri i lawr a lansio ein Trebuchet Enfawr, catapwlt canoloesol enfawr a oedd yn cael ei ddefnyddio i ymosod ar Gestyll. Gwyliwch wrth i’r arf gwarchae dyfeisgar a phwerus hwn gael ei ddefnyddio, a gweld grym peirianneg ganoloesol ar waith. Dysgwch sut roedd cerrig enfawr yn cael eu taflu gyda digon o rym i dorri’r amddiffynfeydd cryfaf. Ymhlith y pethau eraill a gafodd eu taflu roedd cyrff wedi’u heintio â’r pla, cyrff anifeiliaid wedi pydru, a thar yn llosgi!
Dewch â’r teulu cyfan i gael profiad addysgol, llawn hwyl.
Mynediad: arwynebau anwastad
Iaith: Saesneg
Cyrch y Teithiwr Amser
Bob dydd o ddydd Sadwrn 2 Mai – ddydd Sul 30 Mehefin, 10am-4pm
Camwch i’r gorffennol a mynd ar antur drwy’r oesoedd! Ymunwch â’n Cyrch i Deithwyr Amser – helfa drysor gyffrous sy’n mynd â chi drwy amser o’r Oes Haearn i’r Oesoedd Canol ac oes Elisabeth, a hyd yn oed i’r Ail Ryfel Byd. Dewch i ddarganfod cyfrinachau o fewn muriau hynafol Castell Caeriw wrth i chi deithio drwy hanes.
Perffaith i deuluoedd ac archwilwyr chwilfrydig o bob oed – ni fu hanes erioed mor gyffrous â hyn!
Cymrwch ran gan ddefnyddio ffôn clyfar. Gweithgaredd hunan-dywys.
£2.50 i blant. Codir tâl mynediad safonol.
Mynediad: gyda grisiau
Iaith: dwyieithog Cymraeg/Saesneg
Sioe Geir Castell Caeriw
Dydd Llun 4 Mai, 10am – 3pm
Uchafbwynt yn ein calendr bob blwyddyn! Dewch i edmygu’r hen geir clasurol, beiciau modur a cherbydau milwrol o bob cwr o dde Cymru. Mae llawer o weithgareddau hwyliog eraill i deuluoedd sy’n gwneud hwn yn ddiwrnod gwych!
Ydych chi eisiau dod â cherbyd gyda chi? Rhaid archebu lle pob cerbyd ymlaen llaw yma.
Efallai na fydd y sioe’n mynd yn ei blaen mewn tywydd gwlyb. Codir ffioedd mynediad arferol y Castell, ac mae’r sioe wedi’i chynnwys gyda phris tocyn arferol.
Mynediad: heb risiau, arwynebau anwastad.
Melin Heli: Am ddim ar ôl tri!
Dydd Sadwrn 9 a dydd Sul 10 Mai, 3pm – 4.30pm
I ddathlu Penwythnos Cenedlaethol Melinau mae Melin Heli Caeriw yn cynnig mynediad am ddim ar ôl 3pm ddydd Sadwrn 9 a dydd Sul 10 Mai 2026! Os ydych chi wedi cerdded o amgylch Llyn y Felin ond nad ydych chi erioed wedi bod yn yr adeilad eiconig, beth am alw heibio am ddim i ddysgu mwy am yr unig Felin Heli gyfan yng Nghymru?
Ymwelwyr olaf am 4.30pm, yn cau 5pm. Nid yw’n cynnwys mynediad am ddim i’r Castell.
Mynediad: gyda grisiau
Iaith: dwyieithog Cymraeg/Saesneg
Bowlore: Chwedlau Bwa a Llafn
Dydd Sul 24 – Dydd Mawrth 26 Mai, 10am – 4pm
Mae saethwyr a marchogion gwych Bowlore yn ôl gyda’u gwersyll canoloesol ar gyfer ymladd cleddyfau dychrynllyd, saethyddiaeth anhygoel ac arddangosfeydd arfau. Cymerwch ran yn yr Ysgol Gleddyfau, Rhoi Cynnig ar Saethyddiaeth a thrin cleddyf canoloesol go iawn ac arfau eraill.
Pris mynediad arferol a bydd angen ARIAN PAROD i dalu ffi fechan am gymryd rhan mewn rhai gweithgareddau.
Mynediad: heb risiau, arwynebau anwastad
Iaith: Saesneg
Hwrê i Berlysiau!
Dydd Iau 28 Mai a dydd Gwener 29 Mai, 2.30pm – 3.30pm
Cyfle i blant a theuluoedd ddarganfod byd rhyfeddol perlysiau! Mwynhewch daith fer o amgylch ein gwelyau perlysiau, gan flasu ac arogli wrth i chi fynd. Casglwch yr holl gynhwysion llysieuol sydd eu hangen arnoch i wneud past dannedd, te balm lemwn a ‘nose gay’, posi melys o berlysiau a blodau ffres.
Mae’r gweithgaredd hwn yn para tua awr.
Mae’r gweithgaredd AM DDIM gyda thocyn mynediad arferol i’r Castell.
Mynediad: heb risiau
Iaith: Saesneg
I gwybod mwy am ddigwyddiadau yng Nghastell Caeriw, cliciwch ar y dolenni isod
