Ystafell Tyddewi
Gweledigaeth Ddwbl gan Clive Gould and Graham Brace
Dydd Gwener 14 Mawrth i ddydd Sul 4 Mai 2025
Mae’r arddangosfa hon yn cynnwys printiau fframiog rhifyn cyfyngedig sy’n cyfleu tirweddau eiconig y rhanbarth. Mae morluniau acrylig mawr Clive Gould yn cynnwys dyfnder a drama, tra bod darnau cyfrwng cymysg cywrain Graham Brace, a grëwyd yn bennaf gyda phensiliau lliw, yn cynnig portread mwy cartrefol o gefn gwlad.
Mynediad am ddim
Thalassig gan Rosalyn Sian Evans
Dydd Gwener 9 Mai i ddydd Sul 29 Mehefin 2025
Mae’r arddangosfa hon yn gwahodd yr arsylwr i archwilio ein perthynas â’r môr. Trwy ddefnyddio paentiadau olew lled-haniaethol mawr, mae Rosalyn yn ceisio dal morluniau a thirweddau Gogledd Sir Benfro. Mae ei gwaith celf yn amlygu themâu fel dibyniaeth, parch, ofn, a harddwch ac yn annog gwylwyr i fyfyrio ar eu cysylltiad â natur ac yn arbennig y môr.
Mynediad am ddim
Y Tŵr
Tangnefedd Rhyngom gan Jackie Morris a Elly Morgan
Dydd Gwener 7 Mawrth i ddydd Sul 27 Ebrill 2025
Mae’r arddangosfa hon yn archwiliad twymgalon o heddwch yn ei amryfal ffurfiau. Gyda dymuniad, gweddi a gobaith, mae’r arddangosfa’n adlewyrchu’r heddwch a rennir rhwng yr artistiaid, yr oriel, a’r gynulleidfa. Yn cynnwys printiau o golomennod wedi’u paentio gan Jackie a cholomennod ceramig wedi’u crefftio gan Elly, mae’r arddangosfa’n creu gofod tawel i fyfyrio yng nghanol dinas leiaf y DU.
Mynediad am ddim
Elfennol gan Charlotte Cortazzi
Dydd Gwener 2 Mai i ddydd Sul 15 Mehefin 2025
Arddangosfa o baentiadau gan Charlotte Cortazzi a barddoniaeth gan Sue Kullai a ysbrydolwyd gan yr elfennau. Mae Charlotte yn cyferbynnu tirwedd wyllt Sir Benfro ag amgylcheddau mwy cras. Mae’r arddangosfa hon hefyd yn archwilio ein perthynas â’dŵr. Ynghyd â’r arddangosfa, bydd llyfr bach o gerddi darluniadol.
Mynediad am ddim
Ffenestri Ystafell Ddarganfod
Moroedd Gwyrddlas a Glannau Creigiog gan Jane Boswell
Dydd Sadwrn 8 Mawrth i ddydd Mawrth 29 Ebrill 2025
Mae Jane yn nofiwr gwyllt angerddol ac yn cael ei hysbrydoli gan y cildraethau tawel a’r ymylon llanw, gan drosi’r profiadau hyn yn ei gwaith celf. Mae ei phowlenni a’i seigiau’n adlewyrchu arlliwiau bywiog pyllau glan môr – gwyrddlas, glas, porffor a gwyrdd – wedi’u saernïo o glai lled-borslen gyda gwydredd swigod ac wedi’u gorffen ag arian neu aur, gan ychwanegu ymdeimlad o werthfawrogrwydd.
Mynediad am ddim
Tai Bach Twt gan Curious Glass
Dydd Gwener 2 Mai i ddydd Sul 22 Mehefin 2025
Mae Jenn Gowney yn gwneud gemwaith gwydr bywiog a gwaith celf wedi’i ysbrydoli gan harddwch arfordir Sir Benfro. Mae ei chasgliad yn cynnwys darnau hwyliog, lliwgar, a hefyd darluniau chwareus o gytiau traeth. Mae Jenn yn ymgorffori broc môr o draethau lleol yn ei gwaith celf, sy’n eich galluogi i fynd â darn o lan môr Sir Benfro adref, wedi’i drwytho â llawenydd ac ysbryd glan y môr.
Mynediad am ddim
Ystafell Ddarganfod
Grŵp Celf Tyddewi a Solfach
Dydd Iau 17 Ebrill i ddydd Mercher 23 Ebrill 2025, 10am – 4pm
Dyma arddangosfa’r gwanwyn gan grŵp lleol o artistiaid amatur sy’n byw ger Tyddewi ac sy’n cyfarfod yn wythnosol ym mhentref pysgota Solfach gerllaw. Rhoddir yr holl elw o werthiannau i elusennau lleol.
Mynediad am ddim
