Pwyllgor Grantiau Awdurdod Parc Cenedlaethol Arfordir Penfro yn dyfarnu cyllid i bum prosiect cymunedol arloesol

Yn ei gyfarfod ddiwedd mis Ionawr, adolygodd y Pwyllgor Grantiau bymtheg o geisiadau o bob rhan o Sir Benfro. Roedd safon eithriadol o uchel y cynigion yn golygu ei bod hi’n broses ddethol anodd, gyda’r prosiectau llwyddiannus yn sefyll allan am eu gweledigaeth glir a’u hymrwymiad i nodau’r Gronfa Datblygu Cynaliadwy.

Dyma’r pum ymgeisydd llwyddiannus:

• Trawsnewid Bro Gwaun
• Yr Hen Ysgol, Dinas
• Ymddiriedolaeth Natur De a Gorllewin Cymru (Ynys Sgogwm)
• Neuadd Bentref Angle
• Cyngor Dinas Tyddewi

Mae’r prosiectau hyn yn cynnwys gosod systemau ynni adnewyddadwy ar gyfer adeiladau cymunedol a gwelliannau ôl-osod mewn hybiau cymunedol lleol.

Dywedodd Bethan Jones, Swyddog Cynaliadwyedd gydag Awdurdod y Parc: “Roedd hi’n galonogol gweld syniadau mor uchelgeisiol yn dod o’n cymunedau lleol. Mae’r prosiectau hyn yn cynnig atebion arloesol a fydd yn sicrhau effaith barhaol a chadarnhaol ar draws cymunedau yn y Parc Cenedlaethol.”

Gyda’r cyllid wedi’i sicrhau erbyn hyn, mae gwaith eisoes wedi dechrau ar y prosiectau hyn. Bydd manylion rownd nesaf cyllid y Gronfa Datblygu Cynaliadwy yn cael eu cyhoeddi yn syth ar ôl cadarnhau cyllidebau’r dyfodol, a bydd diweddariadau’n cael eu rhannu drwy Gymdeithas Gwasanaethau Gwirfoddol Sir Benfro a rhwydweithiau cymunedol eraill.

I gael rhagor o wybodaeth am y Gronfa Datblygu Cynaliadwy, ewch i www.arfordirpenfro.cymru/awdurdod-y-parc-cenedlaethol/cronfa-datblygu-cynaliadwy.