Ysgrifennwch gerdd wedi’i hysbrydoli gan y tirweddau, y bywyd gwyllt a’ch hoff fannau yn y Parc Cenedlaethol. Clogwyni stormus, coedwigoedd tawel, hen gerrig a thraethau tywodlyd – os yw’n gwneud i chi deimlo rhywbeth, mae’n perthyn yn eich cerdd.

Gadewch i’ch geiriau grwydro. Gadewch iddyn nhw floeddio, sibrwd neu hedfan.

Categorïau oedran:

• O dan 11
• 11-16

Bydd y cerddi buddugol yn cael eu cyhoeddi yn argraffiad 2027 O Lan i Lan a byddwch yn derbyn taleb o £50 i wario yng Nghastell Caeriw neu Gastell Henllys, yn ogystal â bag rhoddion y Parc Cenedlaethol.

Sut i gymryd rhan

Os yw’r cystadleuydd o dan 16 mlwydd oed, bydd rhaid cael caniatâd rhiant neu warcheidwad i gyflwyno’r gerdd.

Anfonwch un gerdd wreiddiol hyd at 40 llinell i poetry75@pembrokeshirecoast.org.uk erbyn 11.59PM ar 31 Rhagfyr 2026.

Cofiwch gynnwys enw cyntaf ac oedran y cystadleuydd, yn ogystal ag enw a chyfeiriad e-bost rhiant neu warcheidwad.

Mae’r telerau ac amodau llawn yn berthnasol.

Telerau ac Amodau

1. Hyrwyddwr y gystadleuaeth hon yw Parc Cenedlaethol Arfordir Penfro.
2. Mae’r gystadleuaeth ar agor i blant a phobl ifanc sy’n byw yn y Deyrnas Unedig yn y categorïau oedran canlynol:
   O dan 11
   11-16
3. Mae rhaid i gystadleuwyr fod yn 16 mlwydd oed neu’n iau ar 31 Rhagfyr 2026.
4. Does dim rhaid talu i gystadlu.
5. I gystadlu, anfonwch un gerdd wreiddiol i barddoniaeth75@pembrokeshirecoast.org.uk erbyn 59pm ar 31 Rhagfyr 2026.
6. Rhaid i’r gerdd fod yn ddim mwy na 40 llinell.
7. Mae pob cystadleuydd yn cael cyflwyno un gerdd yn unig.
8. Mae’n rhaid i’r gerdd fod yn waith gwreiddiol y cystadleuydd ac ni chaiff ymyrryd ar hawliau unrhyw un arall.
9. Mae’n rhaid i’r gerdd fod wedi’i hysbrydoli gan dirweddau, bywyd gwyllt neu fannau ym Mharc Cenedlaethol Arfordir Penfro.
10. Rhaid i’r cynigion gynnwys:

• enw cyntaf y cystadleuydd
• oedran y cystadleuydd
• enw rhiant neu warcheidwad
• cyfeiriad e-bost rhiant neu warcheidwad

11. Drwy gystadlu, mae’r rhiant neu warcheidwad yn cadarnhau eu bod wedi darllen a derbyn y telerau ac amodau hyn, ac wedi rhoi caniatâd i’r plentyn neu berson ifanc gystadlu.
12. Ni fydd cynigion sy’n cyrraedd ar ôl y dyddiad cau, neu sydd ddim yn bodloni’r gofynion hyn, yn cael eu hystyried.
13. Bydd cynigion yn cael eu barnu gan banel wedi’i benodi gan Awdurdod Parc Cenedlaethol Arfordir Penfro.
14. Bydd cynigion yn cael eu barnu ar sail creadigrwydd, gwreiddioldeb ac ymateb i’r thema.
15. Bydd un enillydd yn cael ei ddewis ar gyfer pob categori oedran. Bydd y beirniaid hefyd yn rhoi canmoliaeth arbennig i rai cynigion o bosib.
16. Mae penderfyniad y beirniaid yn derfynol, ac ni fydd unrhyw ohebiaeth ar ôl y penderfyniad.
17. Bydd gwobr yn cael ei rhoi yn y ddau gategori. Bydd y cynigion buddugol yn cael eu cyhoeddi yn argraffiad 2027 O Lan i Lan ac yn derbyn taleb o £50 i wario yng Nghastell Caeriw neu Gastell Henllys, a bag rhoddion y Parc Cenedlaethol. Ni fydd opsiwn arian yn cael ei gynnig.
18. Mae’r hyrwyddwr yn cadw’r hawl i gyfnewid y wobr am un sy’n gyfwerth neu yn fwy gwerthfawr os oes angen.
19. Byddwn yn cysylltu â’r enillwyr drwy fanylion cyswllt y rhiant neu warcheidwad a roddwyd fel rhan o’r cynnig.
20. Os nad yw’n bosib cysylltu â’r enillydd o fewn 14 diwrnod ar ôl hysbysu, neu nad yw’n ymateb o fewn y cyfnod hwnnw, mae’r hyrwyddwr yn cadw’r hawl i ddewis enillydd gwahanol.
21. Os, ym marn y beirniaid, nad oes unrhyw gynnig mewn categori o ansawdd digonol, mae’r hyrwyddwr yn cadw’r hawl i beidio â rhoi gwobr yn y categori hwnnw.
22. Mae hawlfraint pob cerdd yn aros gyda’r awdur.
23. Drwy gystadlu, mae cystadleuwyr a’u rhiant neu warcheidwad yn rhoi trwydded anghyfyngedig a rhydd o freindaliadau i Awdurdod Parc Cenedlaethol Arfordir Penfro i gyhoeddi neu arddangos (gan gynnwys yn ddigidol neu ar gyfryngau cymdeithasol) cerddi buddugol neu gerddi gafodd ganmoliaeth arbennig mewn cysylltiad â’r gystadleuaeth a chyhoeddusrwydd ynghylch dathlu 75 mlynedd ers sefydlu’r Awdurdod.
24. Heblaw bod caniatâd ychwanegol wedi’i roi, bydd unrhyw gerdd sy’n cael ei chyhoeddi yn cynnwys enw cyntaf a chategori oedran y cystadleuydd yn unig.
25. Bydd data personol sydd wedi’i rannu ar gyfer y gystadleuaeth yn cael ei ddefnyddio dim ond i weinyddu’r gystadleuaeth, cysylltu â’r enillwyr, trefnu gwobrau a chyhoeddi’r cerddi buddugol yn argraffiad 2027 O Lan i Lan, heblaw bod caniatâd ychwanegol yn cael ei rhoi ar gyfer unrhyw bwrpas arall.
26. Bydd data personol yn cael ei drin yn unol â pholisi preifatrwydd Awdurdod Parc Cenedlaethol Arfordir Penfro.
27. Mae’r hyrwyddwr yn cadw’r hawl i ddiwygio, gohirio neu ganslo’r gystadleuaeth os oes angen.
28. Drwy gystadlu, rydyn ni’n ystyried bod cystadleuwyr a’u rhieni neu warcheidwaid yn cytuno â’r telerau ac amodau.