Diben y Canllawiau Cynllunio Atodol (CCA) hyn yw cynorthwyo'r rheiny sy'n gwneud ceisiadau cynllunio gyda manylion gofynion parcio ar gyfer datblygiadau newydd. Mae'r canllawiau hyn wedi'u hymgorffori yng nghyddestun datblygu cynaliadwy, yr angen i leihau teithio gyda char a blaenoriaethu dull teithio mwy cynaliadwy.
Mae’r Canllawiau Cynllunio Atodol (CCA) ar Safonau Parcio wedi’u diweddaru i ddarparu cyd-destun dylunio cynaliadwy wrth ddylunio cynllun safleoedd a strydoedd sydd i flaenoriaethu anghenion dulliau teithio Llesol, yn unol ag amcanion Llywodraeth Cymru. O ran gofynion parcio cerbydau, mae’r CCA yn parhau i nodi’r gofynion uchaf yn seiliedig ar safonau Cymru gyfan ac wedi’u haddasu i weddu i gyd-destun y Parc Cenedlaethol.
Fel o’r blaen, mae’n seiliedig ar barthau sydd â gofynion parcio ar gyfer gwahanol fathau o ddatblygiadau yn amrywio yn ôl pellter i Ganolfannau a nodwyd ac ystod o gyfleusterau. Mae’r ystod o fathau gwahanol o ddatblygiad wedi’u hadolygu a’u symleiddio i wella eglurder.
Mae ardaloedd Parth 1, sydd o fewn Ardaloedd Cadwraeth a lle nad oes unrhyw ofyniad parcio i amddiffyn y gwerth gweledol a/neu hanesyddol wedi’u hadolygu a’u diweddaru. Diffinnir un ardal Parth 1 ychwanegol yn Ardal Gadwraeth Parrog Casnewydd.
Dogfennau
