Symudodd Cymru i lefel rhybudd 0 ar 7 Awst. Mae'r cyfyngiadau cyfreithiol ar y nifer o bobl a gaiff gwrdd o dan do, gan gynnwys mewn cartrefi preifat, mannau cyhoeddus neu mewn digwyddiadau.Bydd yn dal i fod angen i oedolion a phlant dros 12 oed wisgo gorchuddion wyneb mewn mannau cyhoeddus dan do, ac eithrio safleoedd lletygarwch megis bwytai, tafarndai, caffis neu glybiau nos.
Os ydych yn bwriadu mynd allan i fwynhau awyr agored y Parc, gofynnwn ichi droedio’n ysgafn. Dilynwch y Cod Cefn Gwlad a gadael olion traed yn unig.
Mae Pencadlys yr Awdurdod ar agor ar sail apwytniad yn unig nes bydd rhybudd pellach. Ewch i’r adran Cysylltu â Ni i gael manylion ar sut i gysylltu â staff yr Awdurdod.
I gael rhagor o wybodaeth, am ewch i wefan Llywodraeth Cymru.
Dolenni cyflym i wybodaeth a chyngor
►Beth sydd angen i mi ei wneud?
►Meysydd Parcio
►Rhwydwaith Llwybrau Troed
►Troedio’n Ysgafn
►Natur Dros y We
►Rheoli Datblygu (Cynllunio)
►Pencadlys ac atyniadau i ymwelwyr Awdurdod y Parc
►Cysylltu â ni
Beth sydd angen i mi ei wneud?
Gwnewch yn siŵr eich bod yn gwybod beth yw’r canllawiau diweddaraf – edrychwch ar wefan Llywodraeth Cymru i gael y cyngor diweddaraf.
- Gwisgwch orchudd wyneb (os ydych yn gallu) mewn mannau cyhoeddus dan do, ac eithrio safleoedd lletygarwch megis bwytai, tafarndai, caffis neu glybiau nos.
- Bydd yn dal i fod angen i bawb hunanynysu am 10 diwrnod os cânt brawf COVID-19 positif. Os ydych yn gyswllt agos i rywun sydd wedi profi’n bositif, yn 18 oed neu’n hŷn a heb eich brechu’n llawn, rhaid i chi hefyd hunanynysu am 10 diwrnod.
Cynlluniwch ymlaen llaw os ydych chi’n mynd i ymweld â Sir Benfro
- Archebwch lety ymlaen llaw
- Os ydych chi’n dod â charafán neu’n bwriadu gwersylla, defnyddiwch wersyllfa ddynodedig. Chwiliwch wefan Croeso Sir Benfro am restr o ddarparwyr llety.
- Defnyddiwch ein papur newydd i ymwelwyr Coast to Coast i gynllunio’ch ymweliad
- P’un a ydych chi’n dod am wythnos neu os ydych chi’n cynllunio diwrnod allan yn y Parc, mae’n llawn syniadau a ffyrdd i’ch helpu chi i droedio’n ysgafn a Gadael dim ar ôl.
Os ydych yn gallu ymweld â’r Parc Cenedlaethol, byddwch yn garedig a chofio’r tair rheol:
-
PARCHWCH Y TIR
-
PARCHWCH Y GYMUNED
-
PARCHWCH EICH GILYDD
Dilynwch Awdurdod y Parc Cenedlaethol ar Twitter a Facebook i gael yr wybodaeth ddiweddaraf am ddatblygiadau’r Parc.
Meysydd Parcio
Mae’r meysydd parcio a reolir gan Awdurdod y Parc Cenedlaethol ar agor. Ewch i’n tudalen barcio i gael mwy o wybodaeth.
Rhwydwaith Llwybrau Troed
Mae’r rhwydwaith llwybrau troed ar agor. Am fwy o wybodaeth, ewch i’r dudalen Arweiniad Cerdded Covid-19 (y Coronafeirws).
Troediwch yn ysgafn yn y Parc
Gwnewch yn siŵr eich bod yn mwynhau’r awyr agored yn gyfrifol, yn dilyn unrhyw gyngor ar y safle ac yn cadw at y Cod Cefn Gwlad.
Cysylltu â Natur Dros y We
Os na allwch adael eich cartref neu deithio i Barc Cenedlaethol Arfordir Penfro, gallwch gysylltu â natur y Parc trwy ein sianeli cyfryngau cymdeithasol, ein gwefan a’n fersiwn ar-lein o Coast to Coast.
Hoffwch y Parc Cenedlaethol ar Facebook, Twitter a Instagram
Gwasanaeth Rheoli Datblygu (Cynllunio)
Mae gwasanaeth Rheoli Datblygu yr Awdurdod wedi parhau i weithredu’n ymarferol yn ystod cyfyngiadau’r Coronafeirws. Mae ein gwefan yn gweithredu fel arfer gyda mynediad at agendâu, dogfennau a chofnodion y Pwyllgor Rheoli Datblygu, ynghyd â mynediad arferol i’r cyhoedd at fanylion ceisiadau cynllunio.
Bydd pencadlys Parc Llanion Awdurdod Parc Cenedlaethol Arfordir Penfro yn ailagor i aelodau’r cyhoedd ar sail apwyntiadau yn unig ddydd Mercher 2 Medi.
O 1 Medi 2020 a hyd nes y rhoddir gwybodaeth bellach, ni fyddwn yn gallu cynnig cyngor cynllunio dros y ffôn na drwy’r e-bost, ac ni chynhelir cymorthfeydd cynllunio am y tro. Gwneir hyn i alluogi swyddogion i glirio’r ceisiadau cynllunio a cheisiadau cyn ymgeisio sydd eisoes wedi dod i law o ganlyniad i faterion Covid-19 a TG.
Bydd cyfarfodydd y Pwyllgor Rheoli Datblygiad yn cael eu cynnal dros y we a gellir eu gweld drwy ffrwd fideo byw. Mae manylion am sut i’w gwylio ar y wefan.
Ni fydd y Pwyllgor Rheoli Datblygiad yn ymweld â safleoedd tra bod cyfyngiadau’r Coronafeirws mewn grym. Bydd penderfyniadau’r pwyllgor yn seiliedig ar wybodaeth ceisiadau a fydd yn cael eu cyflwyno iddyn nhw mewn adroddiadau a chyflwyniadau eraill.
Nid oes gan staff fynediad i’r swyddfeydd ar hyn o bryd. O ganlyniad, bydd hysbysiadau safle yn cael eu defnyddio fel y prif fath o hysbysebu ar gyfer pob cais yn ystod y cyfnod hwn, yn hytrach na llythyrau uniongyrchol i eiddo cyfagos. Gallwch hefyd weld y rhestrau wythnosol o geisiadau sydd wedi’u cofrestru a’u penderfynu ar-lein.
Pencadlys ac atyniadau i ymwelwyr Awdurdod y Parc
Mae pencadlys yr Awdurdod ar agor ar sail apwyntiad yn unig bob dydd Llun, Mercher a Gwener nes bydd rhybudd pellach. I wneud apwyntiad ffoniwch 01646 624800 neu e-bostiwch gwybodaeth@arfordirpenfro.org.uk.
Maw atyniadau i ymwelwyr yr Awdurdod yng Nghastell Caeriw, Pentref Oes Haearn Castell Henllys ag Oriel a Chanolfan Ymwelwyr Oriel y Parc yn agor bob dydd. Bydd rhaid archebu cyn i chi ymweld â Chastell Henllys.
Mae ar agor bob dydd ond mae oriel Amgueddfa Cymru yn dal i fod ar gau.
Cysylltu â Staff Awdurdod Parc Cenedlaethol Arfordir Penfro
Os hoffech gysylltu â’r Awdurdod, dylech ffonio 01646 624800 neu anfon e-bost at gwybodaeth@arfordirpenfro.org.uk neu defnyddiwch y ffurflen ar ein tudalen cysylltu â ni.
Ymholiadau ar gyfer Castell Caeriw: enquiries@carewcastle.com.
Ymholiadau ar gyfer Castell Henllys: enquiries@castellhenllys.com.
Ymholiadau ar gyfer Oriel y Parc: info@orielyparc.co.uk.
